ვაზი

ვაზის წამლობათა სქემა ბიომეურნეობაში

ნიადაგის განოყიერება საჭიროების მიხედვით – ორგანიკა 25-50 ლიტრი (მოსხურებით, ცალკე გახსნილი 400-500 ლიტრ წყალში).

I წამლობა. კვირტების დაბერვისა და  გაშლის ფაზაში სავარაუდოდ მარტის ბოლო –  აპრილის I დეკადა,  კვირტის ჭიისა (ბუკნა) და ტკიპების წინააღმდეგ,
ყოველ ერთ ჰექტარზე – ლეპიდინი 5-7 ლიტრი.

II  წამლობა. როდესაც პირველი ორი ფოთოლი მიაღწევს ნორმალური სიდიდის 2/3 –ს სავარაუდოდ მაისის  I დეკადა,  ჭრაქის წინააღმდეგ, 1 %-იანი ბორდოს ნარევის ან სხვა კონტაქტური მოქმედების სპილენძის შემცველი პრეპარატებით.

III  წამლობა. ყვავილედებზე კოკრების განცალკევების ფაზაში (ბუტონიზაცია) სავარაუდოდ მაისის II- III დეკადა, მეორე წამლობიდან  7-10 დღეში, ჭრაქის, ნაცრის, ტკიპების და ყურძნის ჭიის I თაობის მატლების წინააღმდეგ.
ყოველ ერთ ჰექტარზე – 1 %-იანი ბორდოს ნარევი ან სხვა კონტაქტური მოქმედების სპილენძის შემცვლელი პრეპარატით +0.5 %-იანი  თიოვიტ-ჯეტა (გოგირდი) + 6 ლიტრი ლეპიდინი .

IV   წამლობა. ყვავილობის ფაზაში, სავარაუდოდ ივნისის  I  დეკადა, მესამე წამლობიდან  7-9  დღეში,  ჭრაქის,ნაცრის,  და ყურძნის ჭიის მატლების წინააღმდეგ.
ყოველ ერთ ჰექტარზე ფიტოკატენა 8 -10 ლიტრი + ლეპიდინი 5 ლიტრი.

V  წამლობა. გამოხორბვლის ფაზაში სავარაუდოდ ივნისის II-III დეკადა მეოთხე წამლობიდან  7-9  დღეში,  ჭრაქის, ნაცრისა და ყურძნის ჭიის  II თაობის მატლების წინააღმდეგ.
ყოველ ერთ ჰექტარზე – 1%- იანი ბორდოს ნარევის ან სხვა კონტაქტური მოქმედების სპილენძის შემცველი პრეპარატით + 0.5-0.7%- იანი თიოვიტ-ჯეტა (გოგირდი) + ორგანიკა 3 ლიტრი + ლეპიდინი 5 ლიტრი.

VI წამლობა. ისვრიმობის ფაზაში სავარაუდოდ ივლისის  I-II დეკადა, მეხუთე წამლობიდან  7-9 დღეში, ჭრაქის,ნაცრის და ცრუფარიანების მოხეტიალე მატლების წინააღმდეგ.
ყოველ ერთ ჰექტარზე – 0.5 -0.7%-იანი თიოვიტ-ჯეტა(გოგირდი) + ფიტოკატენა 18 ლიტრი + ლეპიდინი 6 ლიტრი.

VII წამლობა. მარცვლების დამსხვილების ფაზაში, სავარაუდოდ ივლისის II-III დეკადა,  მეექვსე წამლობიდან  7-10 დღეში,  ჭრაქის, ნაცრის, და ყურძნის ჭიის III თაობის მატლების წინააღმდეგ.
ყოველ ერთ ჰექტარზე – 1 %-იანი ბორდოს ნარევი ან სხვა კონტაქტური მოქმედების სპილენძის შემცვლელი პრეპარატით  + 0.5-0.7% თიოვიტ-ჯეტა(გოგირდი) + ლეპიდინი 5 ლიტრი.

VIII წამლობა. შეთვალების დასაწყისში სავარაუდოდ ივლისის ბოლო აგვისტოს I დეკადა, წინა წამლობიდან  7-10 დღეში.  ჭრაქის,ნაცრის, და ყურძნის ჭიის მატლების წინააღმდეგ.
ყოველ ერთ ჰექტარზე  ფიტოკატენა  6 ლიტრი + ბიოკატენა  10 ლიტრი +ლეპიდინი  5 ლიტრი .

IX წამლობა.   სიმწიფეში შესვლის ფაზაში სავარაუდოდ გვისტოს II დეკადა, წინა წამლობიდან 7-10 დღეში, ნაცრის,  სიდამპლეების და ყურძნის ჭიის მატლების წინააღმდეგ.
ყოველ ერთ ჰექტარზე – ფიტოკატენა 6 ლიტრი + ბიოკატენა 6 ლიტრი + ლეპიდინი 4 ლიტრი.

 

მცენარეზე პრეპარატების კარგად გადანაწილებისა და შენარჩუნებისათვის სასურველია ყოველ 100 ლიტრ გამოყენებულ წყალს დაემატოს 50-80 მლ. მიმწებებელი მულტიმასტერი

მნიშვნელოვანია!
პრეპარატი ტურინგენი გაერთანდა ლეპიდინთან და გამოდის ლეპიდინის დასახელებით.
პრეპარატი აგროკატენა გაერთანდა ფიტოკატენასთან და გამოდის ფიტოკატენას დასახელებით.

შენიშვნა 1:   წამლობებს შორის პერიოდი მოცემულია ვაზის განვითარების ფენოფაზების მიხედვით, მაგრამ კლიმატური პირობების გათვალისწინებით მათ შორის ინტერვალი შიძლება შემცირდეს ან გაიზარდოს.  

შენიშვნა 2:   სქემაში მოცემული კონტაქტური სპილენძის შემცველი პრეპარატი- ბორდოს ნარევი და გოგირდიანი პრეპარატი – თიოვიტ-ჯეტა შესაძლებელია ჩანაცვლებული იქნეს სხვა  კონტაქტური ანალოგიური დანიშნულების პრეპარატებით (კოსაიდი, კუპერმაქსი, ნეორამი, იროკო. კუპროქსატი, კუპროფლო და სხვა).

გამოყენებული ბიოლოგიური საშუალებები: თხევადი ორგანული სასუქი ორგანიკა, ბიოკატენა, ფიტოკატენა, ლეპიდინი

Check Also

მარწყვი

სქემა ორგანული მეურნეობებისათვის

3 კომენტარები

  1. ნუკრი ქურდაძე

    სასარგებლო და კარგი სქემაა

  2. მალხაზ მაცაბერიძე

    მოგესალმებით
    მაინტერესებს ვენახში ბალახის მოსპობა თუ შეიძლება გერბიციდით ან რაიმე სხვა პრეპარატით. ტრაქტორის შეყვანის საშვალება არ არის. მხოლოდ ვთიბავთ, რაც დამღლელია.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *